每年最黑暗嘅一夜...
冥界嘅界線將散去...
萬惡嘅亡靈啊...！
將會跨進人類嘅世界
死亡嘅神祇啊...！
將會率領佢哋
尋找下一個替代者
將佢哋拉入黑夜嘅最深處...！
佢將化作惡靈 ...
佢將化作惡靈 ...！
(Photo from Flickr: Maurits Verbiest CC Licensed)
https://www.flickr.com/photos/mauritsverbiest/
發源自不列顛地區，「萬聖節」呢個節日詭異得與眾不同。絕大多數嘅節日都係充滿「祝福」、「希望」...但係對古時候嘅西方人們嚟講，呢一日，卻係一年中最黑暗嘅日子，象徵「黑暗」、「死亡」。
10月31，在不列顛嘅凱爾特人眼中，係冬季嘅開始。係呢一日，陰界同陽界嘅分隔界限，將會變得模糊。亡靈同惡鬼就會係呢一晚，進入人類世界，搵受害者，以當作交替。(...！) 凱爾特人為此感到恐懼，於是相約係呢一日，打扮成惡靈嘅模樣，等真正嘅惡靈無法辨認自己，藉此逃過一劫... …
聽落好似好恐怖...但係一諗到宜家嘅萬聖節...竟然已經淪落到「trick or treat」呢種地步...
今日，萬聖節已經變成某種程度嘅...趣味活動了！(誒...？) 大人細路，係呢一晚打扮成鬼怪、妖精，仲有精靈同公主；另外根據資料顯示，係美國，每年萬聖節有超過215萬個小孩扮成蜘蛛俠...(雖然我不知公主同蜘蛛俠有咩訴求...但呢個係『恐怖』萬聖節啊大大...)
(Photo from Flickr:Michael Tefft CC Licensed)
https://www.flickr.com/photos/mtefft/
家長同小朋友一齊準備各式各樣嘅糖果同創意禮物，合力將家裡裝飾得黑漆漆、陰森森，然後到夜晚，小朋友出門去攞糖，大人就留係屋企等其他小朋友上門攞糖(心諗如果果D小朋友膽夠大嘅話...)。
小朋友出門之後，就會相約幾個「鬼朋友」一齊，準備好萬聖節必備嘅趣味小物──鬼面具、玩具鐮刀...等等，仲有用嚟裝戰利品嘅袋(當然係越大越好啦)，然後一家一戶去攞糖。Trick or treat，呢句流行嘅「吉祥話」(咦 ？)，明顯已經變成萬聖節必備嘅台詞，就連1、2歲嘅幼兒都知道呢句話嘅重要性而勤勉地學習(咦......？)。當然都有D小朋友，靠著精湛嘅表演，博得大人嘅喜愛，攞到較多嘅糖。但有D更為高招嘅邪惡小孩，根本唔受呢一套。佢哋準備驚悚指數破表嘅自製嘅趣味小物，然後配合夜晚嘅黑暗，再加上精湛嘅演技，就可以令對方嚇到將糖果一把一把地往門外撒，然後趕緊躲回家裡...(計畫成功...！ )
(Photo from Flickr: Kevin Conor Keller CC Licensed)
https://www.flickr.com/photos/conorkelle一 r/
但人係「互相」嘅───道若高一尺，魔就高一丈。留係屋企嘅大人都唔係省油嘅燈...當然...佢哋都攞過糖，都曾被某家主人嚇到屁滾尿流......佢哋真係好有經驗啊！而且屋企嘅補給充足、腹地廣大，聲光、音效再加上老謀深算，陰謀詭計多得很...連送出嘅糖果同創意禮物，都恐怖到足以令小朋友嘅童年蒙上陰影...佢哋就咁留係屋企，守株待兔...估唔到大人先係最可怕嘅對手...
(Photo from Flickr:astromango2009 CC Licensed)
話說，竟然由一個萬惡嘅節日...變成宜家咁瘋狂有趣嘅活動...萬聖節嘅改變令我R哂嘴。但係，成功嚇到人嘅果種快感、攞到一大包糖果嘅果種成就感...我諗係呢一日無論係大人定係小朋友，都會好享受、好快樂嘅！
你諗下，咁嘅改變係唔係好好呢？
定係...你早已經開始期待今年最黑暗、亦最瘋狂嘅日子呢？
留言列表
