創意禮物, 交換禮物
「噢~ 聖誕節托它歸家 我阿媽話幾貴架~ 噢~ 聖誕節托它歸家 放系廳度閃閃吓」
聖誕節，第一個想到嘅就係呢首耳熟能詳嘅兒歌；而最期待嘅，大概就係聖誕禮物了！細細個就一直深信聖誕老人嘅存在，係聖誕夜嘅半夜，佢就會駕著雪橇，由煙囪入你間房，偷偷地將禮物擺係你身邊。
(Photo from Flickr: Katherine McAdoo, CC Licensed) https://www.flickr.com/photos/o_hai/
到大個咗先慢慢理解現實，當年嘅聖誕老人，其實係爸媽扮嘅。但我冇因此而感到失望！因為我慢慢理解到，只要有心意，邊個都可以做聖誕老人。佢嘅存在，係一種象徵，代表一種祝福──係寒冷冬夜裡嘅，最溫暖嘅祝福！
今年，你有冇諗住送聖誕禮物呢？
你想送俾邊個呢...家人、朋友，定係情人？
又或者...你可以考慮「交換禮物」！同對方互相交換禮物，你必須要先了解對方嘅喜好，先可以揀最適合嘅禮物送俾對方。收到禮物果陣，同時又收到對方真誠嘅心意，同滿滿嘅祝福。
但問題嚟啦...你已經知道對方嘅喜好，要開始搵相應嘅禮物，但又點搵都搵唔到，就算發現類似嘅嘢，仔細一睇，都係唔得。
咁點算呢...距離聖誕節越嚟越近，但仲未搵到禮物...呢種緊急嘅時刻...迫在眉睫...唯有使出大絕招啦！ (終極奧義......！)
就係:度身訂造！
善加運用度身訂造，你就可以製作出獨一無二嘅創意禮物! 呢樣就係訂造嘅最大好處，可以依照你嘅創意同諗法製作出產品，等佢富有你嘅style，又可以符合對方嘅喜好，最重要嘅係，你唔洗再為咗揀禮物而搞到自己焦頭爛額啦！係你嘅創意下訂造嘅創意禮物，絕對係最正嘅聖誕禮物！
今年嘅聖誕節...有咩諗法呢？
留言列表
