close
「你好文青哦!」其實宜家見到有人咁樣稱呼人哋,或者係自己對於其他人嘅評價,都可以唔使太認真去睇,因為文青原本果個意思已經俾人扭曲咗,或者係因為大眾嘅模仿效應,原本嘅意思,會因為模仿而越黎越偏,都係畀人覺得有啲假!
咁究竟真正嘅文青係乜嘢呢?
文青,即係所謂嘅文藝青年,佢哋嘅共同就係飽讀詩書,對於人生、生活時事等都有自己一套嘅思想,唔會隨波逐流,知道嘅嘢好廣泛,言談舉止同普通人唔一樣,全身散發出一種憂鬱嘅感覺,而呢個就係佢哋所擁有嘅神秘氛圍。
不過,因為宜家有種跟風係文青等同體現自己係有價值嘅風氣,因而出現好多模仿行為,但一個人本身嘅文化涵養同文藝氣息係唔短期內會展現出黎,所以最快可以show畀大家睇嘅就係衣著方面~
無論係真文青,定係假文青,網路上有流傳幾個文青指南(,而且迴響仲好大),睇下你身邊朋友中幾個:
- 文青都鍾意村上春樹(當然真係文青嘅係鍾意,假嘅可能係攞本佢嘅書,然後影相打卡嗰種XD)
- 文青都鍾意行誠品
- 文青都好鬼瘦(呢D我即刻OUT)
- 文青都好鍾意戴粗框大眼鏡
- 文青都會用手街紀錄生活(仲要用藝術造型萬字夾夾電影飛尾喺裡面)
- 藝術博物館有許多紀念品製作(鉛筆、環保袋),文青必買
- 文青一定要有個Macbook(再攞杯星巴克)
- 文青有好多一頭霧水嘅煩惱
- 文青最鐘意喺facebook、IG上面#hashtag即使世界不斷畀你失望,都要繼續相信愛
- 男嘅文青都著到極窄嘅短褲,女仔就著闊褲(跟住都係白襪襯涼鞋)
自我檢測一下,大概集齊五個就會符合,我嘅筆記簿寫咗大大小小嘅事,都好鍾意用造型萬字夾夾啲單、飛尾之類嘅,覺得紀錄生活好美好等等。
曾經有朋友次次去行藝術展,裡面嘅紀念品訂製都唔放過,話係凡走過嘅都會留低痕跡?但係我哋嘅思想同普通人冇分別,一啲都唔憂鬱。好啦~測試結果,我同我朋友都係屬於假文青嘅(笑~)
咁你哋呢?
文章標籤
全站熱搜