(Photo from: Andy Li, flickr, CC license)
開開心心咁出國,最驚嘅就係行李托運竟然整唔見咗,搞到要喺機場來回奔波搵行李,唔單只打亂哂所有嘅行程,連好心情都冇埋。為咗唔浪費寶貴嘅假期,出國前一定要準備好,以防萬一。美國媒體USAToday歸納出8大技巧,
令你安心托運行李唔會再唔見。
-
使用顏色鮮豔嘅行李箱
有出國經驗嘅,喺提領行李嘅時候見到行李輸送帶一堆行李,真係好難令人分辨邊件行李係屬於邊個嘅。如果你嘅行李箱顏色鮮豔亮眼,咁離遠一睇就知道自己嘅行李箱喺邊。
-
學習打包嘅藝術
如果行李唔係好多嘅話,好好利用打包嘅技巧,攜帶輕便等等,只帶隨身登機行李就好,盡量令行李箱隨時跟喺你嘅身邊,必要時準備一個小包包以備不時之需。
-
令你嘅行李有專屬嘅名牌
除咗行李箱顏色亮眼容易辨認之外,亦要掛上行李掛牌標示名字以及聯絡方式,最好喺裡面外面都分別掛上一個行李掛牌,如果外面唔小心俾人扯甩咗,至少裡面嘅都可以查得到。當然,經常出國的話,行李箱一定貼滿行李條碼貼紙,要記得撕除過去嘅條碼貼紙,以免你嘅行李被誤送到其他國家。
-
貴重物品跟身
難得出國可能會買多一啲貴重嘅物品,例如有價值意義嘅紀念品訂製等,如果放喺行李箱,佢就可能會「唔見咗」。根據研究報告顯示,機場小偷無所不在,就好似美國洛杉磯國際機場就曾經出現有員工專門對大型行李落手,如果你嘅紀念品訂製好貴重,都係盡量放喺隨身行李,多準備幾個手提袋就啱。
-
同行李箱自拍存證就是潮
喺行李托運之前,如果同行李箱自拍存喺手機入面,當行李遺失嘅時,手機嘅圖片比起七嘴八舌嘅形容詞。能夠更加快速而且方便咁讓航空公司搵番行李箱。
-
記低行李牌嘅機場代碼
當機場地勤人員幫你綁上行李牌嘅時候,先確定好上面嘅3個英文字母機場代碼同自己嘅機票吻合,以免到時出錯嘅時候,真係會用更多時間抵達目的地。
-
提早抵達機場安心通關
提早抵達機場報到,無論係跟團定係自由行都係一樣要提早,避免假期人潮眾多,如果有充裕嘅時間仲可以從容通關、逛免稅品甚至悠閒飲咖啡。
-
行李箱設置GPS系統
近年嚟行李箱出現新功能,就係有內建GPS系統,當你遺失行李時可以快速搵到地點,比起靠航空公司幫你搵,不如靠自己更實在!